Асан Жанышов UWW дүйнөлүк рейтингин жетектеди

Грек-рим күрөшү боюнча балбан Асан Жанышов 87 кг чейинки салмак категориясында United World Wrestling уюмунун дүйнөлүк рейтингинде биринчи орунга көтөрүлдү. Жаңыланган рейтинг Будапештте өткөн UWW сериясындагы рейтингдик турнир аяктагандан кийин жарыяланды. Эл аралык мелдештердеги туруктуу көрсөткүчтөрүнүн аркасында кыргызстандык спортчу карьерасында биринчи жолу дүйнөлүк рейтингдин лидери болду. Бул жетишкендик спортчунун өзү үчүн гана эмес, жалпы кыргыз күрөшү үчүн да маанилүү окуя болуп, улуттук курама команданын даярдык деңгээли жогору экенин жана балбандарыбыздын дүйнөлүк аренадагы атаандаштыкка жөндөмдүүлүгүн дагы бир ирет далилдеди. Кыргыз Республикасынын Күрөш федерациясы Асан Жанышовду бул маанилүү жетишкендиги менен куттуктап, ири эл аралык мелдештерде мындан аркы жеңиштерди каалайт