Федерация борьбыКыргызской Республики
Кыргызстандын балбандары Азиада-2026да күрөштүн үч түрү боюнча күч сынашат
19-сентябрдан 4-октябрга чейин Япониянын Айти-Нагоя шаарында XX жайкы Азия оюндары өтөт.
Кыргызстандын улуттук курама командасы Азия оюндарына спорттук күрөштүн үч түрү — эркин күрөш, грек-рим күрөшү жана кыз-келиндер күрөшү боюнча катышат.
Континенттин башкы спорттук мелдештеринин биринде кыргызстандык балбандар ар кайсы салмак категорияларында күч сынашып, өлкөбүздүн намысын коргойт.
Азия оюндарынын алкагында күрөш боюнча мелдештерде дүйнөнүн жана Азиянын күчтүү балбандары катышып, жогорку деңгээлдеги атаандаштык күтүлүүдө. Кыргызстандык спортчулар үчүн бул мелдеш эл аралык аренада өз күчүн көрсөтүп, байге үчүн күрөшүүгө маанилүү мүмкүнчүлүк берет.
Кыргызстандын спорттук күрөш федерациясы улуттук курама командага даярдыкта ийгилик жана Азия оюндарында татыктуу жыйынтык каалайт!
Айти-Нагоя 2026. Үч күрөш түрү — бир команда — Кыргызстандын намысы!
Другие новости
Астанада чоңдор арасында күрөш боюнча дүйнө чемпионаты өтөт
2026-жылдын 24-октябрынан 1-ноябрына чейин Казакстандын борбору Астана шаарында чоңдор арасында күрөш боюнча дүйнө чемпионаты өтөт.
Кыргызстандын балбандары Орусиядагы «Жеңиш лигасы» турниринде 6 медаль жеңип алышты
Кыргыз Республикасынын грек-рим күрөшү боюнча балбандары Орусияда өткөн «Жеңиш лигасы» аттуу турнирге катышып, өлкөбүздүн капчыгына 6 медаль алып келишти. Анын ичинен 3 алтын жана 3 коло медаль бар.
